ఉప్పునుంతల, అక్టోబర్ 15: ఉప్పునుంతల బాలుర ప్రాథమిక పాఠశాలలో బుధవారం ఉదయం 10:30 మిస్సైల్ మ్యాన్ డా. ఎ.పి.జె. అబ్దుల్ కలాం 94వ జయంతిని ఘనంగా నిర్వహించారు. ప్రధానోపాధ్యాయులు శ్రీనివాసులు అధ్యక్షతన నిర్వహించిన ఈ కార్యక్రమంలో ఉపాధ్యాయులు గాజుల వెంకటేష్, చందన, సంగీత మాట్లాడారు. కలాం జీవితం, దేశ సేవలు, విద్యార్థులకు ఇచ్చిన ప్రేరణను స్మరించుకున్నారు. పేద కుటుంబం నుంచి దేశ రాష్ట్రపతిగా ఎదిగిన కలాం జీవితాన్ని ఆదర్శంగా తీసుకోవాలని విద్యార్థులకు సూచించారు.