అచ్చంపేట, అక్టోబర్ 19: ఉమ్మడి మహబూబ్‌నగర్ జిల్లా జడ్చర్ల పట్టణ కేంద్రంలోని చంద్ర గార్డెన్‌లో ఆదివారం నిర్వహించిన కరాటే పోటీల్లో అచ్చంపేట విద్యార్థులు అద్భుత ప్రతిభ కనబరిచారు. ఈ పోటీలను జీకే మాస్టర్ షాటోకన్ కరాటే డు ఇండియా ఆధ్వర్యంలో నిర్వహించగా, అచ్చంపేట వీఆర్ మార్షియల్ ఆర్ట్స్ అకాడమీకు చెందిన విద్యార్థులు అండర్–12, అండర్–14 విభాగాల్లో పాల్గొని పతకాలు సాధించారు. ఈ సందర్భంగా అకాడమీ మాస్టర్ శ్రీనాథ్ చౌహన్ మాట్లాడుతూ, విద్యార్థులు క్రమశిక్షణతో సాధన చేస్తూ మంచి ఫలితాలు సాధించారని తెలిపారు. విజేతలను కరాటే డు అసోసియేషన్ జిల్లా వైస్ ప్రెసిడెంట్ రాజు నాయక్, విద్యార్థుల తల్లిదండ్రులు అభినందించారు.